喵喵日記

被鬼壓

2009-11-09T16:42:53Z

有日lift口隔離個單位鐵閘有張律師告示, 大約係封屋意思咁上下, 過左幾日有好多人帶孝出出入入(即係女士頭髮夾左d白色野), 心唸可能死左人? 就係果晚零晨2點幾, 男友隻狗狂吠不停, 兩人一起沖去隔離房睇隻狗, 可能又想出來訓, 因為有時都會半晚都會吠幾聲, 終之養狗好煩, 正當我地安慰隻狗時, 我見到有個好大白色半透明毛球由籠漂上, 直撲上臉, 隻狗係白色長毛常有毛球係地上滾動,當時我哋係冇開燈, 只係由窗外街燈照明, 感覺視野白茫茫, 大約幾秒後飛出窗外, 好不可思義! 我同男友一直沒有說話, 接住返房再訓時,當兩人平躺在床上後不久, 我突然不能動, 眼只能微微張開, 呼吸不順, 感覺我同男友上面好似有野擠壓住, 當時我係貼住男友背而睡。感覺越來越迷糊, 好似半夢半睡, 而呼吸困難, 想爭扎又醒唔到, 最後我見到白毛毛好似剛才一樣籠罩住臉上, 而且更恐怖係好似人臉, 係咁貼住我臉, 不定擠壓住我口鼻, 因不能呼吸而心裡面大叫 “死八婆, 走開”(其實我係唔知佢係男定女, 只係直覺咁叫左出來), 好奇怪不到幾秒, 乜事都冇? 我第一時間坐起身叫醒男友同佢講, 但佢只係不動好驚叫我快d瞓, 終於崖到天光至瞓到, 朝早醒來後, 男友同我講返, 原來佢係狗籠到見到白毛毛鬼影, 仲要係見到隻鬼跟左入房, 同被隻鬼壓住, 當時唔想我驚冇即時同我講, 真係驚嚇十足。

鬼聲

2009-11-08T00:51:13Z

住村屋最易有污漕野, 有年去左朋友山間好舊式瓦頂單層村屋住左年, 那裡已經非常小人居住, 但有好多寺廟教派, X密咒教(D人著黑沙袍好特別)、師姑、和尚、僧侶…都有齊, 間屋係正果樹田園中央, 初到步時朋友對我地講, 要記得每天裝香, 第一次入來住一定要裝香拜土地人畜都要, 朋友話村屋又近山邊係有好多祖先朋友, 我地都不義為意, 只當係幫手上香。我地住個房張床係貼住廳墻, 而個位置係電視櫃後, 個房我地帶左另一部電視只可以睇碟, 好多時不睇電視節目就會入房睇碟, 平時睡覺我好喜歡貼墻訓, 以前都會係墻聽到D人講野, 一直以為係樓上樓下或鄰居D人講野, 無論幾夜都好。果日我地好早入房睇碟, 我又係貼住墻睇, 男友出左去睇一陣新聞, 我一直聽到有電視人聲, 但好似咬字唔清咁, 只係隔左墻, 如事者睇到8點幾,佢返入房時順手關上大門同廳燈時, 我仍然忍約聽到仲有電視對話聲咁, 時細時大聲, 好奇怪真係冇一句聽清楚講乜, 見佢返入來咪問佢你未關電視咩? 佢答我關左丫,咁點解我仲聽到墻內有聲!!? 當時我突然感覺好似爆炸咁, 由心有古熱氣沖上頭頂, 即刻裝香, 雖然有同佢講過聽到野, 但係佢嚇到我以後唔敢再貼墻瞓 @0@", 回想一唸真係鬼食泥咁聲。 後來同另一個住村屋朋友傾講, 佢話係有好多袓先朋友係到, 唔好隨便偷聽。

下格床的鬼事

2009-11-05T09:58:59Z

聽到有關下格床鬼故就另我想起一件鬼事, 公屋好多時會有人跳樓, 當時中學時發生一單丈夫斬妻後過左隔離樓跳樓, 兩個幼稚園小孩伴母屍兩天事件, 就係正我單位窗口正下方落地, 放學時係lift口己好多人議論紛紛, 當時公屋係好開放人人都可以出入, lift 口離案發現場係最近地方,好多人聚集,出於好奇便問鄰居咩事,當日報紙新聞都有大事報導。格日lift 口貼左張黃紙紅字告示,內容大約係話頭七要做法事,晚上8-10點會封路, 同避免行經同圍觀咁上下, 到左果日食飽飯冇野做, 我住8樓所以聽到叮叮嗏嗏好嘈, 咪好奇望吓, 一睇至知頭七做法事丫.....因為個道士係到轉來轉去,佢件道士袍跟住漂蕩,手持木劍口噴火好似做大戲咁, 我咪睇左一陣, 仲大大聲叫買個妹來睇吓, 媽一聽到就鬧鬼我有乜好睇。一直都冇事,到左後晚訓到半夜有人療我手臂, 我訓下格床妹係上格右手面係墻頭向房門方向, 因為試過幾次唔好經驗…見鬼, 咁通常我都會用野傘住對眼, 果晚我訓訓吓俾野療好自然咁推開, 推左幾吓咪發火轉身拍買墻, 感覺係好厚軟野, 同時放手感到向下滑落, 心一驚微微開眼一睇, 係乜都冇, 我好驚眼前突然一片黑(習慣不關全屋燈), 緊閉雙眼大被蓋過頭。

第二日同家人返, 佢地答冇療我手臂, 家人唔信我, 同以前一樣, 爸爸仲要話有鬼我第一個會知… 同左個妹轉左位訓, 但果夜佢話乜事都冇…

又隔左幾日, 我間房係用板間, 為左空氣流通最頂有通花, 果日係放假我照常入房睇我最愛漫畫書, 坐左上層不經意棰下一隻腳冇意識擺動著, 突然感覺有人左拍我小腿, 我以為係細妹便問, 無反應? 大聲再叫佢唔好攪, 點知佢竟然係出面回答, 原來我一直關左門, 細妹係出面做緊功課, 我探頭望去係乜都冇, 當時係下午時段都有鬼!!?到左臨上床睡時大約8點幾係紴入面感到有手拍我pat pat, 嚇一跳之餘打開綿被乜都冇, 叫家人又冇人信, 我估係我好奇望法事果隻鬼, 再入被訓又有野摸我, 雖然係開住燈, 但係我好驚, 唔敢大被蓋過頭訓, 怕會見到d野, 由果日起連續好多晚都係咁樣, 由起初好驚到後期好嬲咁鬧佢唔好摸, 同時每晚個夢都好奇怪, 有個陌生男人有時同佢好浪漫, 好似係黃昏沙灘浪步咁, 有D似渏夢, 有時談天說地色彩琳琳, 有時陰森森聽佢訴苦, 但係傾左乜同佢個樣就完全冇印象, 只係知幾高大同幾壯碩吓, 我估佢係辨我鐘意類型, 大約過左一個半月左右(因為太耐有D忘記), 依稀好似佢話七七四十九日要走, 佢消失左再冇事發生。

睇人做法事真係好邪, 好奇係要負擔代價, 好彩冇咩意外。

靈異事件

2009-08-22T10:25:26Z

在隻狗bobby 死左一週年, 有晚大約深夜突然有陣一連串聲響, 最熟悉不過, 未死前每晚聽到隻狗半夜會醒來起身轉個身再瞓, 油木地板會發出拍拍腳步聲同衣櫃木門因壓力咯咯響, 真係俾d聲嚇一跳, 但好似得我一個聽到咁。第二日收工第一個返到家時, 大約七點到, 通常我會更衣洗臉先, 通常隻狗會係房如常發出高音鼻聲, 同用尾巴不停拍打木門要你注意佢, 但今日我竟然又聽到, 我好自然叫左一句, bobby 唔好嘈, 到我醒起走去睇吓時只有兩隻貓係到, 因為得我一個聽, 所以都冇人相信, 亦冇人想知, 可能係太傷心不想提起。不過, 另我聯想到剛好是農曆七月隻狗回來探我地? 雖然一起生活左好多年, 但係我仍會怕。

記得以前我怕黑時總會叫bobby陪伴, 現在怕黑時會另我想起隻狗。

cat pad 陪上網喵喵

2009-07-04T22:55:38Z

我家黑喵做左貓墊,

或者做左陪上網喵喵,

經常跳上來陪你一齊上網,

每次我坐係電腦前,

佢就會坐上專用位。

五月份又到生日月份

2009-05-29T16:45:54Z

每年到左五月份都係我同兩隻喵生日, 今年買左個罐魚, 初初都會食, 因為買左大罐裝要分幾次食, 第二次三次後已倒胃口不願食, 最後三分一要掉, 真係唔明?

其實係買左個大玩具俾佢地玩具

平淡中, 有兩隻小喵陪伴

頑皮兩貓

2008-10-29T14:03:55Z

近幾年來, 佢地有一個很不好的壞習慣, 每日放佢地出來自由活動時, 總會親無人注意偷偷入房, 打開我的櫃筒, 爆晒我d bra bra 同 un un 出來, 有5個櫃筒佢地只會爆果個真係冇佢地乎

撞鬼

2008-08-30T09:54:44Z

某日晚上, 我見到廚房, 出現了異樣, 撞鬼羅>.<~~

我立即用相機拍下.....

永遠想念你~~

2008-08-08T15:12:11Z

愛犬Boby

1995/12/4~2008/8/7

(閱讀全文)

新食法

2008-07-06T00:16:08Z

最近常發現傻豬食乾糧, 不是企或坐著, 而是橫睡方式, 頭托在乾糧器皿上轉動頭顱來食乾糧, 真係懶豬一隻, 唔肥都幾難。

可惜唔成功偷影到佢食野個動作

以前隔屋有個日本妹

2008-04-23T10:31:17Z

當時我地係廚房窗對對住, 一直以為果對男女係日本人, 到左後來佢地搬走前, 聽到個男人用中文開口講野, 住左成年我地先知佢係港人真係攪笑, 佢臨走好大聲講bye bye, 好似係同我地講 @@?!

只係有次日本妹碌大眼死頂住我家抹窗ge男人, 好奇怪行為? 印象深刻

夢境

2008-03-20T12:01:20Z

夢境係咪現實的相反? 今早返瞓時發左個夢, 夢見自己係公司裡同同事有傾有講, 但事實個同事已resign及不會理我, 機本上應該冇可能, 跟住係到走來走去, 見到大王同豪仔傾計, 大王有新歡好開心, 豪仔聽到後笑住話佢唔岩, 點對得住老婆同個仔, 跟住大王見到我係到即刻向我發皮氣, 只記得有話我 'PK你.....' 當場喊出來, 好偒心咁叫唔做la~唔做la~仲推跣晒d野tim, 喊累瞓著左, 醒時有個女人係我身邊好似係方姐但又小小5似, 佢話張椅瞓得5係好舒服, 佢張係藤椅又點會好瞓, 跟住執返d野叫疑似方姐一齊走, 四點早d走wor, 好奇怪夢,

新花籃

2008-02-20T10:50:56Z

又帶左個新花籃俾隻豬仔用

真係好可愛

愛睇雀鳥

2008-01-21T21:36:31Z

我好鐘意鄰近一條明渠, 有好多魚同雀鳥, 可以睇到好幾品種, 真係幾得意架, 尤其係見到佢地成功捉到魚時, 現今都市已經好難近距離睇到lu~~

p.s. 影得唔係幾好要放大D睇 ^^'/

貓奴

2008-01-13T13:22:22Z

星期日一早出去買貓食及用品, 帶住買菜用車仔, 行去市中心買一包14L糧, 6包5L共30L貓沙, 加買差不多44L野, 空車都要行成15分鐘, 回程差不多半個鐘真係辛苦好鬼重, 推得滿頭大汗, 差D哮喘發作, 貓奴隸真係o羅苦來辛, 而家返到家手軟腳軟。

買開果間野發燒友真係越來越吋, D野係平, 但係都買左成8年, 介紹o買個妹係屯門都來幫親佢, 女侍頭依然係咁吋, 哎~~今日問佢有冇得送貨, 佢話有, 講左一大論, 到最後原來係要買佢果隻Nutri牌糧滿300先送, 就算買其他野一萬蚊都唔會同你送貨, 都冇佢咁好氣。