喵喵日記

永遠想念你~~

mei886 — Fri, 08 Aug 2008 15:12:34 +0800

愛犬Boby

1995/12/4~2008/8/7

(閱讀全文)

新食法

mei886 — Sun, 06 Jul 2008 00:16:08 +0800

最近常發現傻豬食乾糧, 不是企或坐著, 而是橫睡方式, 頭托在乾糧器皿上轉動頭顱來食乾糧, 真係懶豬一隻, 唔肥都幾難。

可惜唔成功偷影到佢食野個動作

以前隔屋有個日本妹

mei886 — Wed, 23 Apr 2008 10:31:53 +0800

當時我地係廚房窗對對住, 一直以為果對男女係日本人, 到左後來佢地搬走前, 聽到個男人用中文開口講野, 住左成年我地先知佢係港人真係攪笑, 佢臨走好大聲講bye bye, 好似係同我地講 @@?!

只係有次日本妹碌大眼死頂住我家抹窗ge男人, 好奇怪行為? 印象深刻

夢境

mei886 — Thu, 20 Mar 2008 12:01:20 +0800

夢境係咪現實的相反? 今早返瞓時發左個夢, 夢見自己係公司裡同同事有傾有講, 但事實個同事已resign及不會理我, 機本上應該冇可能, 跟住係到走來走去, 見到大王同豪仔傾計, 大王有新歡好開心, 豪仔聽到後笑住話佢唔岩, 點對得住老婆同個仔, 跟住大王見到我係到即刻向我發皮氣, 只記得有話我 'PK你.....' 當場喊出來, 好偒心咁叫唔做la~唔做la~仲推跣晒d野tim, 喊累瞓著左, 醒時有個女人係我身邊好似係方姐但又小小5似, 佢話張椅瞓得5係好舒服, 佢張係藤椅又點會好瞓, 跟住執返d野叫疑似方姐一齊走, 四點早d走wor, 好奇怪夢,

新花籃

mei886 — Wed, 20 Feb 2008 10:50:56 +0800

又帶左個新花籃俾隻豬仔用

真係好可愛

愛睇雀鳥

mei886 — Mon, 21 Jan 2008 21:36:31 +0800

我好鐘意鄰近一條明渠, 有好多魚同雀鳥, 可以睇到好幾品種, 真係幾得意架, 尤其係見到佢地成功捉到魚時, 現今都市已經好難近距離睇到lu~~

p.s. 影得唔係幾好要放大D睇 ^^'/

貓奴

mei886 — Sun, 13 Jan 2008 13:22:22 +0800

星期日一早出去買貓食及用品, 帶住買菜用車仔, 行去市中心買一包14L糧, 6包5L共30L貓沙, 加買差不多44L野, 空車都要行成15分鐘, 回程差不多半個鐘真係辛苦好鬼重, 推得滿頭大汗, 差D哮喘發作, 貓奴隸真係o羅苦來辛, 而家返到家手軟腳軟。

買開果間野發燒友真係越來越吋, D野係平, 但係都買左成8年, 介紹o買個妹係屯門都來幫親佢, 女侍頭依然係咁吋, 哎~~今日問佢有冇得送貨, 佢話有, 講左一大論, 到最後原來係要買佢果隻Nutri牌糧滿300先送, 就算買其他野一萬蚊都唔會同你送貨, 都冇佢咁好氣。

談聖誕節點過

mei886 — Fri, 28 Dec 2007 13:44:46 +0800

網友ok 傾聖誕節點過, 佢話24,25都無出街~~, 26號出左去,但係乃左野~佢話 [俾個netfrd 坤左去, 有個女仔約我ma,咁我出la~~點知係傳消sales, 唔記得sales乜~~總之想坤我la~, 佢個樣仲要係勁趕客個隻~~~仲叫左個frd 黎~~本來係單對單, 跟住佢話陣間有個frd 黎比d 野佢, 去左金x郎食, 佢個frd黎唔係比野佢而係叫左勁多野食物, 條女仲要吹到自己4皮幾一個月, 咁有錢仲要屈我請~~3唔識7梗係唔請喇; 跟住傾到無癮就我話要走喇,佢個frd 勁快手腳走左先, 好快就閃左, 佢就扮傾電話, 走左出門口屈我比錢, 我本來諗住比2舊算喇, 自己話無錢算, 但係條友分分鐘扮唔識我~~, 咁岩個陣個cashier 收緊第個人錢, 我米就咁行出去lo, 所以我食霸王餐都覺得好內疚, 因為我一行出去就係咁跑..可能佢地有追出黎, 但係我唔知ah, 條女都唔知我無比到錢~我唔知佢地點喇~但最嬲既係, 佢真係勁豬扒~~我好似去左尋寶咁, 算喇~~都唔關我事~~我覺得做人要問心無愧]

其實電視幾年前都有咁故事, 乜E家都有人用, 個個走晒, 佢地冇追出來或報警真係神奇, 間野佢地有閉路電視就死, 好多商店都會貼D人相出來, 現時YOUTUBLE好方便, 連當時人ok都唔怕, 都冇乜好講 lu~~。忘記佢吓次小心Ｄ!!

蝙蝠~~

mei886 — Sat, 27 Oct 2007 22:15:58 +0800

這幾天晚上, 我坐左客廳打開窗睇電視時, 都會聽到好高音'v' 'v' 聲, 窗外有黑影飛過, 我估係有蝙蝠出現。

本地蝙蝠好細隻, 小時候係村到有間細廟, 係中秋後好易發現幼蝙蝠跣係地下到, 我地執來玩, 佢d毛好滑好軟, 腳震震咁, 都幾得意, d大人話佢地鐘意食生果, 所以會係d廟到搵食。

水果籃帶來歡喜

mei886 — Sun, 21 Oct 2007 21:27:59 +0800

兩隻喵一見個籃就爭住跳入去玩

好'淋'咁 ^^

政府醫生

mei886 — Fri, 21 Sep 2007 10:44:23 +0800

我睇左半年
佢地玩來玩去
琴日朝早check 眼
佢地滴左d瞳孔廣大水
用強光照入去睇
痛到係咁流眼水
結果係冇事
仲要話係正常退化喎
5百度近事係咁
滴左d藥得一半視力
又痛又暈又怕光
俾佢用強過照過眼好痛
佢地話三個鐘會冇事
但事實係過左一晚瞳孔先至正常
今早仲係見到光會痛
同事話頭"d政府醫生當我地狗都不如, 正一[獸醫]"

有冇人用八達通錶

mei886 — Mon, 10 Sep 2007 09:54:57 +0800

有日睇到報紙廣告[八達通錶(水晶玫瑰金版)], 睇相感覺上幾靚, 諗住既然每日都會用八達通, 不如買來自用或送禮一舉幾得, 當我想買時廣告上並冇電話提供只搵到MTR站有售, 咪上網查吓打電話過去問問, 有位小姐話新界只有[快圖美]有售, 地址最近只有天水圍X富商場百佳內有間, 我好高興利用Lunch Time 跑去, 點知搵唔到, 經詢問後先知到早已經搬走了, 白走一場之餘午飯都未食, 真係有一肚氣, 再次查詢及上網搜尋後, 確定左天水圍另一個商場百佳內有間, 立刻打電話去確定係咪有貨同位置有冇變, 經過上次教訓小心求證水晶版只有一套, 當我同同事去[快圖美]買時, 真係好假隻錶, 睇廣告好有金屬味, 事實又輕又薄睇起來好膠咁有d似玩具錶咁都要買成$368, 而且sales態到惡劣, 眼神極到不滿, 又每款只得一隻錶, 個盒仲要好殘吓, 我同個內地同事左睇右睇, 只有我決定買一隻, 我撰擇一個不太差的款送人, 但我冇買到原想要的女裝粉紅色款, 當問及如何維修時, sales顯得更不耐煩, 真係不知所謂, 點解我每次同個內地女同事出街買任何野都好, 都會遇到相同待遇, 無形中俾人睇唔起咁, 真係好嬲。

秋天到lu~~

mei886 — Wed, 05 Sep 2007 23:20:25 +0800

秋天到了，由小到大對於秋天都有特殊感應，通常會有幾日早上聽到一陣陣低沈微弱龔龔聲，同時亦嗅到類似燒木柴氣味, 秋天就係咁到來，每年同樣有此感應，好其特經驗，雖然至今並未有人相信或者認同，至小我感受到討厭的秋季已經來臨，又會每早晚氣管不息，咳嗽氣喘鼻塞時候～～

可愛肥喵

mei886 — Tue, 28 Aug 2007 09:02:37 +0800

傻豬真係越來越肥, 好可愛~~忍唔住幫佢地合照, 實左好攪笑, 大肥仔lu~~~

夢境、夢想

mei886 — Mon, 16 Jul 2007 11:59:15 +0800

在我幼兒院時, 常會發一個夢, 好奇怪亦好深刻, 夢見居住在鄉村小茅屋後面有個小山, 那裡有個山洞, 洞口有很多萬籐不容易發現, 進入時有很多大大小小時收集品, 記得有貼紙、文具、精品、裝飾品及書, 裡面有很多書架, 遍佈整個山洞內, 我同個朋友一起入去山洞看貼紙同文具。當我第二個同樣的夢時, 好似連劇咁, 我同個朋友一起入去山洞看貼紙同文具時, 我對洞內的書架很有興趣, 我好似抽出一本書睇, 是童話故事書, 不時都會夢見自己睇唔同種類童話故事書。(但我現實係冇去過類似地方?)到我小學時又發這個夢, 同樣的夢境, 同樣的情境, 人和事都一樣, 只有看的書不同了, 我抽出了本叮噹漫畫書在看。如事這到了中學睇的是少女漫畫及小說, 參考書等等。不過畢業後就冇再返發同樣夢, 但我就好想真係有書房放好多書係到。